Ժամանակակից ինտերիերը պահանջում է անհատական մոտեցում և արտահայտիչ դիզայն, որտեղ յուրաքանչյուր տարր դառնում է տարածքի ոճի և բնավորության կրողը։ Այս նախագիծը միավորում է գիպսե խորաքանդակների և 3D վահանակների արվեստը՝ ստեղծելով ներդաշնակ ու հարմարավետ միջավայր ապրելու համար։  

 Ննջասենյակի գլխավոր շեշտադրումը դարձավ AUTUMN TREE խորաքանդակը, որը կարծես մեզ տեղափոխում է աշնանային անտառի խաղաղ մթնոլորտ։ Նրա նուրբ ճյուղավոր նախշերը տարածքում ստեղծում են օդային թեթևություն և ներդաշնակություն։ Լույսի տարբեր անկյուններում պատկերի ծավալայնությունն ավելի է ընդգծվում՝ խաղալով ստվերների հետ և հաղորդելով պատին կենդանի ու դինամիկ էֆեկտ։ 

Այս դիզայնը կատարյալ ընտրություն է բնության սիրահարների համար։ Այն պահպանում է ժամանակակից ոճը՝ համատեղելով հանգստութունը և բնական նրբերանգները։ Ննջասենյակի դիզայնը ամբողջացնում են ճիշտ ընտրված աքսեսուարները․ ճյուղերով նախշազարդված բարձերը և նույն երանգով ներկված պատերն ու մահճակալը վիզուալ ընդլայնում են սենյակը՝ ստեղծելով ներդաշնակ և ամբողջական պատկեր։

Մանկական ննջասենյակում ARAN գիպսային խորաքանդակը ներկայացնում է դիզայնի յուրահատուկ տարր՝ ոգեշնչված տրիկոտաժի հյուսվածքից: Այս յուրահատուկ լուծումը ոչ միայն վերածվեց արվեստի գործի, այլև ստեղծեց ջերմ ու հարմարավետ մթնոլորտ՝ ընդգծելով ինտերիերի նրբությունը։
Տեղադրված լուսավորությունն ընդգծում է խորաքանդակի ծավալն ու կառուցվածքը՝ տեսողականորեն մեծացնելով տարածքը և հաղորդելով նրան ավելի արտահայտիչ բնույթ։ Սա ոչ միայն դիզայներական, այլև էկոլոգիապես անվտանգ լուծում է՝ փոքրիկների առողջության համար ապահովելով անվտանգ միջավայր։

Այս նախագծում օգտագործված դեկորատիվ տարրերը ցույց են տալիս, թե ինչպես կարող է գիպսը վերածվել արվեստի գործի՝ ընդգծելով ինտերիերի յուրահատկությունը։ Խորաքանդակների և 3D վահանակների ներդաշնակ համադրությունը ստեղծում է ամբողջական տարածություն, որտեղ յուրաքանչյուր դետալ մտածված է՝ և՛ գեղագիտական, և՛ ֆունկցիոնալ տեսանկյունից։
Յուրաքանչյուր մանրուք միավորում է ժամանակակից մոտեցումը, բնական հյուսվածքների ազդեցությունը և ապրելու համար հարմարավետ միջավայրի ստեղծման ձգտումը։