Wall Deco, երաժշտություն և ինտերիեր․ դարձրու այն բարձրաճաշակ

Այժմ կարող եք միացնել սիրելի երաժշտությունն ու վայելել մեր բլոգը, քանի որ աշխարհում չկա որևէ բան, որ չի կարող ուղեկցվել երաժշտությամբ և, այս դեպքում, Wall Deco-ն բացառություն չէ։

Իսկ ի՞նչ երաժշտություն կընտրեք․ ռո՞ք, թե ջազզ։ Ես ընտրում եմ ջազզ:

Ընդհանրապես նկատե՞լ եք, որ մեր շուրջն ամեն ինչ հիմնված է ընտրության վրա։ Կարևոր չէ՝ մտադրվել ես ինքնուրույն թարմացնել ինտերիերդ, թե դիզայներ ես, ով աշխատում է հերթական պրոյեկտի վրա, մեկ է, հավանաբար կհայտնվես ընտրության խառնաշփոթում։

Բարձրաճաշակ ինտերիեր ստեղծելու համար պետք է լավ տեղեկացված լինել ինտերիեր դիզայնի սկզբունքներից։ Վերջինիս մասին պատկերացում կազմելու մի թաքնված ձև է երաժշտության և ինտերիեր դիզայնի տարրերի միավորումը։ Զարմանալիորեն, երաժշտության և ինտերիեր դիզայնի միջև ուղիղ կապ կա․ երկուսն էլ արտացոլում են զգացողություններ, տպավորություններ ու տրամադրություն։ Երաժշտությունն ու դիզայնը արվեստի վերացական ձևեր են՝ հիմնված ռիթմի, համաչափության և ներդաշնակության վրա։

Իսկ այժմ եկեք պարզենք, թե ինչ է ռիթմը, համաչափությունը և ներդաշնակությունը՝ ինտերիեր դիզայնում։

Համաչափությունը համարվում է դիզայնն ու երաժշտությունը կապող օղակներից ամենակարևորը, քանի որ հենց համաչափությունն է, որ երկուսին էլ գեղեցկացնում է։ Զարմանալի չէ, որ բրիտանացի գրող Քեն Ֆոլեթն իր «Երկրի սյուները» գրքում գրել է, որ․ «Համաչափությունը գեղեցկության սիրտն է»։ Եվ իրոք, դա ձևն է, գույնն ու կառուցվածքը։

Երաժշտությունը ռիթմը դարձնում է լսելի, մինչդեռ ինտերիերն, իր հերթին, տեսանելի է դարձնում այն։ Ռիթմը կրկնության մասին է․ այն շարունակական շարժում է։ Երաժշտության մեջ ռիթմը հենց բիթն է, իսկ դիզայնում ռիթմը դիզայներական տարրերի կրկնությունն է, որն օգնում է շարժում ստեղծել տարածության մեջ։ Այն ընդգծում է դիզայներական տարրերը՝ կազմակերպված ձևով կրկնելով դրանք։ Գաղափարն է՝ ընտրել դիզայներական մի տարր ու ստիպել, որ շարժվի։ Ի դեպ, Wall Deco-ի 3D պանելները կրկնության ամենավառ օրինակներից են ինտերիերում, քանի որ մոդելների մեծ մասը հիմնված է հենց կրկնության վրա և ռիթմ է հաղորդում պատերին։

Ինտերիերում ներդաշնակությունը զգացողության մասին է. այն ամենի մասին, երբ լսում ես երաժշտություն, որը ստիպում է քեզ ավելի լավ զգալ։ Երաժշտության մեջ ներդաշնակությունը սովորաբար վերաբերում է միաժամանակ հնչող տոնայնությունների բարձրությանը։ Օրինակ՝ ռոք-խմբում ներդաշնակության համար հիմնականում պատասխանատու է կիթառահարը: Դիզայնում ներդաշնակությունը բազմաթիվ առարկաների ամբողջությունն է։ Ինչքան էլ որ տարբեր լինեն առարկաները, դրանք պետք է մեկ շնչի պես համաձայնեն միմյանց հետ։ Ներդաշնակ ինտերիերը թվում է ավելի խաղաղ, հանգիստ և լավ կահավորված։

Ահա, թե ինչպես են երաժշտությունն ու ինտերիերի ձևավորումը ներդաշնակում միմյանց։ Ինչպես երաժշտությունն ականջ է շոյում, այնպես էլ աչք։

Wall Deco-ի 3D պանելները հեշտորեն ամբողջականացնում են ցանկացած ինտերիեր և ձևավորում այն երաժշտության զգացողություններով, հույզերով ու տպավորություններով:

Իսկ ո՞րն է քո տպավորությունը։

Ինչպիսի ինտերիեր դու կընտրես։